我就覺得客量是太過樂觀，而$180的票價也是初步估計，最後也是未知之數了。

其他的專家的估計是300-400

又無視其他城市

高鐵淨係去廣州深圳梗係無用啦

但，香港人，將眼光放出廣東省以外得唔得0者？

唔係我講架噃,係政府話高鐵為要建構珠三角一小時優質生活圈

為什麼旅客又會選擇前往只有住宅、文化區和少數幾幢商業大廈的西九？

呢個問題仲好笑
而加坐直通車來港既人，只去紅磡睇演唱會？
坐飛機黎港既人，只去東涌同天壇大佛？

問得好,既然旅客到港之後會自己轉駁到目的地,為什麼高鐵一定要在西九惟一一站,而不是照原定計劃, 在元朗終站,接駁西鐵??

乙人 :

問得好,既然旅客到港之後會自己轉駁到目的地,為什麼高鐵一定要在西九惟一一站,而不是照原定計劃, 在元朗終站,接駁西鐵??

說漏了, 原定計劃支出少百多億(大約,忘了)

我讚成起高鐵，不過應該由那些權貴和大集團自己出錢起，以示愛國愛港。

比燈膽權搞到香港再落後於其他地方，起多十條高鐵都無補於事，因為香港不再吸引到大家來。何況自由行的數量，會因形勢而變動，並非一定有升無降，政府條數好似以前起迪士尼一樣，作到條數好靚，結果......。

政府自己都心中有數，高鐵明明是以金錢換取時間，但仍口頭說以低過直通車的票價來作吸引，證明自己的信心都不夠。

如果因為起高鐵之後搞到票價升高，相信一定有好多人會去反它，一定會。

乙人 :

問得好,既然旅客到港之後會自己轉駁到目的地,為什麼高鐵一定要在西九惟一一站,而不是照原定計劃, 在元朗終站,接駁西鐵??

因為廣州車站係石壁
香港人大力恥笑，話唔係市中心，有鬼用囉！

大力恥笑個部份香港人,忽略左人地廣東省用基建拖動一個新市中心發展的計劃啫
元朗呢一筆又唔同
第一,香港政府做野從來都唔怕人笑
第二,元朗而家已經旺過旺角, 無需拖動, 而如果香港政府都想用高鐵帶動西九,咁就回到我當初的問題,西九只有住宅同文娛,你拖D人去做得乜?睇話劇睇到香港創意產業大行其道? 除非,目的係令西九的住宅項目更方便內地富人,令西九住宅價格可以高企......據說,現時西九豪宅真的有很多內地富豪

小孩子 :

我讚成起高鐵，不過應該由那些權貴和大集團自己出錢起，以示愛國愛港。
比燈膽權搞到香港再落後於其他地方，起多十條高鐵都無補於事，因為香港不再吸引到大家來。何況自由行的數量，會因形勢而變動，並非一定有升無降，政府條數好似以前起迪士尼一樣，作到條數好靚，結果......。
政府自己都心中有數，高鐵明明是以金錢換取時間，但仍口頭說以低...

起唔起都鬧架啦
06/07新聞，個個議員都鬧政府唔快D動工起區域快線架，話香港比人邊緣化，又鬧政府唔肯用專用通道

而家政府起啦，又反對，當然，理由變左貴

政府真係推倒重來，D議員會讚政府？
下年大家唔記得左，咪又會拎翻出黎鬧，鬧政府唔快D動工起高鐵，香港比人邊緣化........

06/07新聞我記憶真係好模糊,當年如果議員係鬧點解唔快D起,點解到而家至提案? 當時的提案是終點站元朗,誰要求把終點改西九的呢?

民主黨班議員水準低嘛, 但係佢地鬧唔代表我鬧,
老實,我唔反對起高鐵, 係無大用, 有少少啦,不過反正香港旅成咁,反正香港錢多,起個大基建買些少時間都好,不過就算錢多,都唔好用到咁蠢, 唔好俾人用來好大喜功
終點站元朗, 接駁西鐵, 我就唔鬧

另外,關於邊緣化的恐懼,其實好值得講,等我整理下思緒再寫,請你到時再俾D意見

乙人 :

06/07新聞我記憶真係好模糊,當年如果議員係鬧點解唔快D起,點解到而家至提案? 當時的提案是終點站元朗,誰要求把終點改西九的呢?
民主黨班議員水準低嘛, 但係佢地鬧唔代表我鬧,
老實,我唔反對起高鐵, 係無大用, 有少少啦,不過反正香港旅成咁,反正香港錢多,起個大基建買些少時間都好,不過就算錢多,都唔好用到咁蠢, 唔好俾人...

有無提案擺元朗我唔敢話無，但區域快線(現在的高鐵)從來主流聲音都係話直入市區
第一方案係直入紅磡，後來先改西九

新界西北中途站就係有，不過後來因為過關問題解決唔到而不了了之

維基都列得好清楚，你去查查就得

淨係專用通道定共用西鐵都嘈左兩年，果陣議員仲鬧政府議而不決添

條鐵路講左好耐，而加先比人感覺臨急上馬，係因為份份報紙都無乜點寫，有都係做好細段，香港人習慣唔睇報紙(我指港聞)，唔聽新聞，自己唔知就當人地無講過

我記憶係區域快線最初係去到元朗, 維基都未必啱哂,你知啦,網友提供.........

後黎主流聲音要去市區, 主流是指議員嗎?

乙人 :

大力恥笑個部份香港人,忽略左人地廣東省用基建拖動一個新市中心發展的計劃啫
元朗呢一筆又唔同
第一,香港政府做野從來都唔怕人笑
第二,元朗而家已經旺過旺角, 無需拖動, 而如果香港政府都想用高鐵帶動西九,咁就回到我當初的問題,西九只有住宅同文娛,你拖D人去做得乜?睇話劇睇到香港創意產業大行其道? 除非,目的係令西九的住宅項目...

所以，點都有人鬧

擺新界有人鬧唔入市區，擺市區有人話唔放新界
專用通道有人話貴，同西鐵共用有人鬧影響運作(而加大陸公佈左高鐵規格，用唔到西鐵路線，因為過唔到月台)

攻擊高鐵無用既理由之一，就係廣州站唔係市區，鬧香港高鐵既理由之一，就係香港個站直入市區，你想政府點？

政府落實左而加個方案，好似全世界都鬧咁，其實政府推第二個，咪一樣會有好多人出黎鬧

西九龍係未來香港發展重心，過去中環又係一站地鐵就搞惦，我睇唔到有乜理由唔可以擺西九

如果話利益輸送，九龍站果堆偽豪宅，除左恒隆賣極都仲有貨外，其他都基本上賣得七七八八，唔知又算利益輸送邊個？

政府撥款，又話政府大白象，比番港鐵起上蓋，又話益港鐵，如果真係放個總站係錦上路果邊，發展商係果邊買左好多農地，你估傳媒就無能力做到特首利益輸送發展商？

老屈之麻，有邊個唔識？

以上似乎係包含左好多不同立場的人的質疑

我就唔會質疑廣州站唔係市中心呢一點
我唔贊成西九的理由係付出同得益不成比例,如果放西九同放元朗,唔差得幾多錢, 我唔反對

[九龍站果堆偽豪宅，除左恒隆賣極都仲有貨外，其他都基本上賣得七七八八，唔知又算利益輸送邊個？]我無話係利益輸送,我認為係老曾好大喜功,要創造一個好鬼繁榮,衣香鬢影的西九

再補充：如果將個總站放係錦上路，我而家求其都可以諗到一大堆理由黎插：

一：高鐵不入市區，經濟效益成疑，議員質疑政府決定

二：錦上路轉車往尖沙嘴，需時又要30分鐘，旅客感不便，旅客「我寧願坐直通車去紅磡」

三：新界西北，主要為低收入人士，北上需要不高，市民「起高鐵不如改善就業啦」

四：港島區、九龍區居民，批評高鐵站太遠無用，寧願坐直通車或直巴，市民「政府無腦，係咪要我拎住十幾件行李坐地鐵丫？」

五：眾多發展商於錦上路附近購入農地，懷疑政府有利益輸送之嫌，立法會要求政府交代

六：錦上路附近村民，不滿收地安排，堅持不遷不拆

七：環保團體批評，錦上路起高鐵，破壞附近環境：團體估計：要鏟xx棵樹＝xx個足球場

專題可以做足一個禮拜！

關於你感覺呢種[係又鬧唔係又鬧],我有一d感想,所以寫左一篇新文,算係回應你的看法